Екпе туралы ақпарат Профилактикалық екпелер ауру жұқтырған жағдайда баланы ауыр зардаптарға, тіпті өліммен аяқталуға әкеп соқтыруы мүмкін қауіпті инфекциялық аурулардан қорғай алады. Ата-аналардың парызы – екпе туралы қажетті ақпарат алу және вакцина жасату үшін медициналық мекемеге уақытылы бару. Екпені кейінге қалдыруға болмайды. Әрбір вакцина егу нақты белгіленген уақытында қабылдануы тиіс, егер ол бірнеше екпеден тұратын болса, онда толық курсын алумен аяқталуға тиіс. Олай болмаған жағдайда баланың қорғаныш күші әлсіреп, толық бейтараптанып қалуы мүмкін, сөйтіп, балаңыз инфекциялық аурулардан қорғала алмайтын болады. Қосымша ақпарат алу үшін участкелік дәрігеріңізге немесе участкелік мейіргеріңізге жүгініңіз.
