Бүгін, 2024 жылдың 29 мамыр күні Тараз қаласындағы №5 қалалық емханада Маңғыстау облысының өкілдерімен кездесу өтті.
Жиын барысында бас дәрігер Сарсенова Динара Амангелдіқызы Үздік тәжірибелер орталығының жұмыстары туралы айтты,
бас дәрігердің орынбасарлары Маханова Перизат Құттыбайқызы, Төлепбергенова Ғалима Алдабергенқызы, Мурзақасымова Назгүл Жұмағалиқызы Маңғыстау облысының өкілдеріне экскурсия жүргізіп, үздік тәжірибелер орталығының атқарылған жұмыстарын көрсетті.
Қонақтар «Ақпараттық қоғамдық мониторинг және кері байланыс тетігі» пилоттық жобасын іске асырудың алғашқы қадамдары туралы хабардар етілді, сонымен қатар жүзеге асырылып жатқан жобалармен, мейіргерлердің жеке қабылдау негіздерін, патронаждың әмбебап прогрессивті үлгісін енгізу, әлеуметтік қызметкерлердің, психологтардың, денсаулық мектептерінің теориялық және практикалық жұмыстарымен таныстырылды.
